Прапаганда абвяргае паламаныя парты, але прызнаецца ў паламаных дзвярах

Праўладны тэлеграм-канал «Народный Антифейк» заявіў пра тое, што відэа з паламанымі партамі ў беларускіх школах — фэйк. Але ў сваім жа пасце прызнаўся, што ў Беларусі сапраўды ламалі дзверы.

Чытайце таксама: «Хутка ўсё паламаем!»: школьнікі выказаліся пра забарону тэлефонаў

Што не так з фэйкам пра дзверы

Беларусы сталі масава дзяліцца відэа і фатаздымкамі паламаных партаў, дзвераў і прыбіральняў, якія з’явіліся пасля забароны тэлефонаў у школах. Як паказаў Telegram-канал «Народный Антифейк», некаторыя кадры былі зробленыя ў Расеі, пра што сведчаць расейскі сцяг і герб на калідорах школы.

@365bel «Зато без телефонов». Запрет на телефоны в школах Беларуси обернулся волной вандализма. Ученики, сумевшие пронести на территорию учебных заведений запасной телефон, опубликовали фотографии ожидаемых последствий запрета смартфонов. По словам школьников, разбитые унитазы — только часть урона. Это потопы в туалетах, битые стекла, поджоги, вывернутые и сожженные урны, поврежденные стены из гипсокартона, сломанные двери и мебель. По словам подростков из разных регионов, причиной подобных действий во многих случаях стала не просто скука и желание навредить, а недовольство запретом на использование мобильных телефонов в школах. #школа #беларусь #школаглазамишкольника #школы ♬ original sound — 365bel

Агулам інфармацыю пра рэакцыю дзяцей на забарону ў тэлеграм-канале назвалі фэйкам і правакацыяй з-за мяжы. Таксама заявілі, што ніякай бурнай ракцыі ў школьнікаў не было, але карыстальнікам медыя нібыта спрабуюць панавязаць іншае меркаванне.

Пры гэтым аўтары публікацыі самі жа прызналіся ў тым, што дзверы ў сярэдняй школе №2 у Бараўлянах зляцелі з ніжняй завесы ў другі навучальны дзень, аднак працаўнікі на працягу 20 хвілін усё паправілі.

У самой школе з 2019 года дзейнічае забарона на тэлефоны па ўнутраным загадзе, але ў гэтым годзе змянілася сістэма іх захоўвання. Пры гэтым чамусьці фатаздымак бараўлянскай школы ў праўладным канале таксама пазначаны як «фэйк» разам з іншымі здымкамі, зробленымі ў Расеі.

Аўтары паста пра «фэйкі» адмовілі тое, што ў дзяцей ёсць магчымасць фатаграфаваць у школе, бо ў іх забралі тэлефоны. Але ў публікацыі не ўлічылі таго, што школьнікі маглі ўзяць з сабой дадатковыя тэлефоны, каб абысці забарону.

Таксама цікава, што ў публікацыі тэлеграм-канала спецыяльна адабралі кадры з расейскіх школаў, але фатаздымкі і відэа, дасланыя з беларускіх школаў, нібыта спецыяльна абмінулі, каб паказаць, што ўсе навіны пра абурэнне дзяцей — гэта фэйк, а самі школьнікі ўсім задаволеныя.

Чытайце таксама: Месца працы стала турмой: настаўнік пра забарону тэлефонаў

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро